Output #6
"Di Ako Bibitaw"
Tandang- tanda ko pa noong una,
Sa tuwing naririnig ko ang iyong pangalan ako'y kinikilig na
NA tila ba may mga bituin sa aking mata
Dahil ang pagkinang ng mga ito ay walang hinto sa tuwing naiisip ka
Nawala lahat ng takot sa puso ko
Dahil ikaw ang nagsasabing kumapit pa sa tuwing ako'y pabitaw na
At nagpapaalalang "Kaya Mo Yan" sa tuwing ako'y nawawalan na nang pag-asa
Ikaw, Ikaw yung nagparamdam sa akin na kaya ko, na malakas ako
Dahil doon naniwala ako na ikaw na ang bubuo sa minsa'y nagkapiraso- piraso kong mundo
At oo naniwala ako na ikaw at ako ay talagang pinagtapo
Pero bakit parang dumating sa punto na parang iba na?
Wala nang gana, wala na yung dating inspirasyon na sayo'y nagmumula
Wala nang kislap sa tuwing tayo'y nagkikita
Napaisip ako, sino ba ang lumayo at sumuko?
Ikaw ba? Ako? O tayo?
At inisip ko, inisip ng inisip, paulit- ulit
At saka sinabing talaga nga atang malayo at malabo ang tayo
At doon bumalik lahat ng takot
Mula noon napariwara ako, na maging tiwala ko'y naglaho
Ni hindi ko na nakilala ang sarili ko
Sa paglayo mo ay ang akin ring paglayo
Na dumating sa punto na parang gusto ko nalang itiggil ang pag-ikot ng mundo
Dahil sa ika-sampung pagkakataon puso ko'y nagkapira-piraso
Pero hindi , hindi dahil sa oras na ito babangon na ako
Ngayon babangon ako, pipilitin kong tumayo mula sa pagkakadapa sayo
Pilitin mo man na tumakbo at lumayo na ay hindi ko hahayaan pa
Lalapit at lalapit ako, tatakbuhin kahit gaano kalayo
At hindi ko hahayaang ika'y maglaho
Dahil oo, tama ang naririnig mo ngayon naniniwala na ako
Naniniwala na ako sa sarili ko, naniniwala na ako na ikaw ay para sa akin
Na dadating ang araw ang pangalan mo ay nakadikit na sa pangalan ko
Na balang araw tatawagin nalang akong inhinyero
At sasabihin ko, sasabihin ko sa sarili ko na naabot ko na ang mga pangarap ko
Mga Komento
Mag-post ng isang Komento