Lumaktaw sa pangunahing content

Output#6 ni R.R.E Falcon 

             "Eroplanong Hugis Puso:
Sabi mo sakin noon, ako ang magsisilbing piloto sa biyahe ng buhay mo.
Ako ang magadadala sayo sa mga lugar na pinapangarap mo.
Hinding hindi ko rin makakalimutan yung mga katagang " Pangako hindi kita iiwan"
Mga salitang hanggang sa ngayon patuloy kong pinanghahawakan
Marami-rami narin tayong lugar na napuntahan
kasama yung nag-iisang eroplanong ating sinasakyan

Pero bakit habang tayo ay nasa kalagitnaan
Para tila lumihis yung eroplanong ating sinasakyan
Dahil mukhang hindi ito yung lugar na nais nating puntahan
Napadpad tayo sa kugar na hindi natin inaasahan
Lugar na kung saan walang kasiguraduhan
Kung mayroon pa nga bang patutunguhan

Bakit Ganto? Anong lugar ito? Nasaan tayo?
Mga tanong na nabuo sa isipan mo
Bigla kong naalala ako nga pala yung piloto
Nakakapagod din pala magpalipad ng eroplano
Akala ko nung una masaya pero nakakasawa rin pala yung palaging ganto
Mukhang eto na yung hudyat na kailangan na nating itigil ito.
Ayoko na, tama na, itigil na natin ito
Nakakapagod ng maging piloto at ikutin ang buong mundo

Mga salitang nabuo sa aking isipan
Na akala ko ito na ang katapusan
Nagbago ang lahat nung minsan mo akong nilapitan
At ating binalikan yung mga masasayang karanasan

Naisip ko, Marami pa pala tayong lugar na pupuntahan
Dahil sa dalawang taon na nating paglalakbay
Marami pa tayong hindi napapatunayan

Ako ang magsisilbing piloto. Ay mali tayo ang magsisilbing piloto
Sa nag-iisang eroplanong tayo mismo ang bumuo
Labels:

Mga Komento

Mag-post ng isang Komento

Mga sikat na post sa blog na ito

Output # 5 ni David Luna

"BIONOTE"      Si David Jonah Quion Luna ay ipinanganak noong ika - 30 ng Disyembre sa taong 1999. Siya ay labing pitong taong gulang na. Siya ay anak nina Manuelito Preciado Luna at ni Imelda Quion Luna. Siya ay kasalukuyang nakatira sa Block 12 Lot 7 Hauskon Homes Julugan 6, Tanza, Cavite. Siya ay kasalukuyang nag-aaral sa paaralan ng San Agustin sa Tanza at siya ay nasa ikalabingdalawang baitan na.      Siya ay mahilig sa numero kaya ang asignaturang kinawiwilihan niya ay ang Math, Geometry, Pre-Calculus, Calculus, Basic Calculus at Statistics. Siya rin ay mahilig mag kompyuter, magbisikleta at magmaneho ng kotse. Siya ay nakatanggap ng karangalan noong hayskul ng ikatlong gantimpala sa larangan ng Sepak Takraw. Siya ay nangangarap na makapagtapos sa kursong Information Technology.
Mag-post ng isang Komento
Magbasa nang higit pa

Output#3 ni Ma.Fatima Prudente (Mid/Sintesis)

TITSER ANNIE    Si titser annie ay labing apat na taon na nagtuturo sa isang pribadong eskwelahan. inilipat siya sa sitio labo upang magturo. bago ka makarating sa eskwelahan ng sitio labo ay kailangan mo muna maglakad, may madadaanan kang mga bundok at ilog, may labing anim na ilog kang kailangang tawirin upang marating mo ang eskwelahan. Sa kanilang paglalakad ay may nakasabay silang mga batang mangyan, ng matapos ulit ang isang oras medyo natatanaw na nila  ang komyunidad na kung saan nakatayo ang paaralan at ang ibang kabataan ay doon na nainirahan. Pag dating ni titser annie sa paaralan na iyon ay halos mapawi ang kaniyang pagod ng masilayan niya ang mga ngiti sa labi ng mga estudyante niyang mangyan. dalawang taon na siya nagtuturo sa sitio labo, at sa tagal na iyon ay naranasan niya na mabuhay ng walang kuryente sa pagtuturo. at hindi ka magkakaroon ng tubig kung hindi ka magiigib, subalit sa kahirapang iyon natuto parin ang mga kabataan na magbigayan, katulad...
Mag-post ng isang Komento
Magbasa nang higit pa

Journal #2 ni Raelyn Fojas

Journal #2  Istratehiyang "Tres- Dos-Uno" 3- mahalagang bagay na iyong natutunan tungkol sa pagsulat ng posisyong papel.  Una, natutunan ko sa pagsulat ng posisyong papel na dapat ay mayroon kang sapat na ebidensya na makatotohanan para mas mahikayat sa mga mambabasa. Ang mga ebidensya na  ito ang mas magpapalinaw sa pinapanigan mo.  Pangalawang natutunan ko sa pagsulat nito ay marapat na magaroon ka ng paninidigan o pangangatwiran. Mabuti na alam mo o kaya mong tumayo sa kung anong panig mo. Sa pangangatwiran o sa pagkakaroon  ng paninindigan ay dapat na mahinahon ka lang sapagkat alam mo sa sarili mo na ikaw ang tama.  Panghuli dapat ay siguraduhin mong ang isinusulat mo ay sang-ayon sa kung anong interes mo. Dahil sa pamamagitan nito ay mas magkakaroon ng magandang daloy ang iyong sinusulat dahil hindi ka mawawalan ng gana. Magkakaroon ka ng dahilan o gana na manindigan o mangatwiran.  2- kasanayan mo na nililinang sa pagsulat ng posisyo...
Mag-post ng isang Komento
Magbasa nang higit pa