May pagkakataon na hindi natin namamalayan na tayo ay nakagawa ng isang sulatin o talumpati. Ang talumpati ay ang pagpapahayag ng iyong saloobin ukol sa isang paksa na ibinabahagi rin sa iba. Ang talumpati ay maaring maging pormal tulad ng tradisyunal o di- pormal tulad ng spoken poetry.
Sa tradisyunal na talumpati na aming napanuod ito ay may kahulugang malasakit at pagmamahal sa bayan o ang nasyonalismo. Ang marapat na bigyang pansin sa paksa ay kung paano dapat ituring ng mga Pilipino ang kanilang sariling bayan. At dahil ito ay tumatalakay sa mga Pilipino dapat ang mga makikinig ay mga kapwa Pilipino dahil sila ang higit na makakaunawa nito. Kung mapapansin ang talumpati ay maayos na ipinapahayag o ito ay pormal na ibinabahagi sa mga tagapakinig. Masisiguro ng isang mananalumpati ang pagpukaw sa mga nakikinig kung patuloy niyang gagandahan ang pagsasalaysay tulad nalang ng ginawa ng mananalumpati sa bidyo.
Ang pangalawang talumpati namang pinanuod ay pinamagatang "Sa Pagitan ka Natagpuan". Ang talumpating ito ay matuturing bilang isang di- pormal na talumpati. Ito ay umiinog sa pagmamahal na nais ng palayain. Pinupunto ng talumpating ito ang istorya ng isang pagmamahalan. Marapat lang na ang emosyon ay bigyang diin sa pagbuo ng gantong klaseng talumpati. Mas makakapukaw pansin ang talumpating ito sa mga nakakaugnay sa mga ganitong sitwasyon. Isa sa maaring maging paraan upang makapukaw ng manunuod ay ang pagbigay at pagpaparamdam ng emosyon sa mga tagapakinig. Sa pag-gawa ng talumpati dapat ay isaalang-alang ang manunuod, paksa at ang paraan upang makatawag pansin sa mga manunuod.
Mga Komento
Mag-post ng isang Komento