Output#1 ni R.R.E Falcon (MID)

        Ang pagsulat ay umiinog sa mga paksa, tema o mga tanong na bibigyang kasagutan ng mag-aaral sa kanyang sulatin depende sa kanyang kaligiran, interes at pananaw

         Ang pagsulat ang isa sa pinakamahalagang bagay na dapat matutunan ng isang indibidwal dahil sa pamamagitan nito mailalahad mo ang mga mensahe na nais mong iparating sa mga mambabasa. Pero ano-ano nga ba ang mga dapat isaalang alang sa pagsulat ng isang paksa?
        Isa sa pinakamahalang bagay na dapat mong isaalang-alang sa inyong susulating paksa ay kung tugma ba ito sa iyong mga mambabasa upang mas maintindihan ng inyong mambabasa ang nais mong iparating at kailangan nailalahad mo sa iyong sulatin ang mga impormasyon na makakapagbigay kaalaman sa inyong mambabasa at mga impormasyon na maaalala nila at magagamit sa kanilang buhay. Kailangan sa inyong paksang susulatin, panimula palang ay mapupukaw na nito ang atensyon ng iyong mga mambabasa sa papamagitan ng pagsaalang-alang ng kanilang mga interes at pananaw sa buhay. Kung ang panimula mo ay may tanong na kaakit- akit para sa mga mambabasa, may posibilidad na mapukaw nito ang atensyon ng iyong mga mambabasa. Dahil sa pagsulat ng sulatin mahalang isipin mo ang paksa at tema na naaayon sa edad ng mga mambabasa
        Ang pagsulat ay isang instrumento para makapaghayag ng mensahe at impormasyon para sa ikabubuti ng inyong mambabasa. Ang pagsulat ay hindi lamang para manlibang ng ibang tao kundi ang tungkulin ng pagsulat ay makapaghayag ng impormasyon batay sa interes at napapanahong isyu sa ating bansa o di naman kaya ng nakakarami.